تیراختورلو یاریش

گوٌن‌لَریم دَیقه‌یله چاتدیِرمیِش تراختوُرلوُ یاریِش
قاچمیِشام، یئرلَر دولارمیِ تانریِیا یوٌز یالواریِش

یولدا توزلار قالخدیِ، آددیِم‌لاردیِ بیر سَس‌لر گَلیر
گئیدی کؤینک‌لَر قیزاردیِ، یولدا بیر کس‌لَر گَلیر

آتدیِ آددیِم‌لارلا بایراق‌لار دوُرار طوُفان یاتار
آتدیِ آددیِم‌لارلا اینسان‌دان تراختوُرلار قاطار

تیر آتیِب آختیِر قانیِن قوُلدوُر تیراختوُر طوُفانیِم
دینجه‌لیب سوسماز دیلیم گؤر آل تراختوُردوُر قانیِم

چوخ چالیِشدیِن، بیر قولوُنلا تورلاریِن ائتدین قیِریق
بیز چیِغیرریِق تاپمیِسان آخیِر رقیب‌دَن بیر جیِریِق

ساز اولوُب کئف‌لَر، اوٌره‌ک‌لَر، چوخ عجاییب حیسّ‌لری
شوُر یاغیِرمیِش جمعیت‌دَن، سئچمک اولمور پیس‌لَری

شادلیِغیِم‌دیر بیرگه سَس‌لر، بیرگه ایسته‌ک‌لَر هَوس‌لر
شادلغیم‌دیر بیرگه طوفان‌لار، داغ اینسان‌لار, نفس‌لر

آچ بوراخ اوُچسوُن گؤزه‌ل قوُش، آل بویایلا، آل قاناد
آچ بوراخ، اوُچسوُن سَمایا، ماوی خوُنخارا ایناد

دولدوُ دوخسان، یوخدوُ نؤقصان، رقصی باش‌لار قول‌لاریِن
بیر اویون بیتمیش، سَسین باتمیش، توز اولدوُ یول‌لاریِن

خووخان

تورکجه اوخو
تورکچئـ اوخو
فارسجا اوخو

نییه آرئس‌ئس اوخویوجوسو ایشله‌دیم؟

بولاقچی‌لاریمیزدان بیر نئچه سوالیم اولا‌جاق‌دیر.
نه زاماناجان باشقا بولاق‌لاری اوخوماق اوچون، همین بولاق‌لارین آدرئس‌لرینی بیربیری‌نین دالی‌سیجا یازیب دَنه-دنه چئک ائدیب اوخوماق ایسته‌ییرسینیز؟
سیز 500 بولاغی بیر یئرده نئجه اوخویا بیله‌رسینیز؟

سیز گونده بیر ساعات اینتئرنئته قوشولاسینیز و یا یاریم ساعت یا دا اصلن گون بویو هئچ فرقی یوخ‌دور. آرئس‌ئس فید`ی اوخویوجولاری واختینیزین هه‌د‌َره گئتمه‌سی‌نین قارشی‌سینی آلا‌جاق‌دیر.

آنجاق نییه قوقول ریدئر (قورود)؟

ایندییه‌جن ایستیفاده ائتدیگیم آرئس‌ئس فیید`ی اوخویان‌لارین اَن یاخشی‌سی قوقول ریدئر اولوب مَنیم اوچون. دوزدور ایجتماعی ایمکان‌لار ریدئره علاوه اولمامیش‌دان اؤنجه ده مَنیم ترجیحیم ریدئر ایدی. آنجاق ایجتماعی ایمکان‌لاری دا علاوه ائتدیک‌دن سونرا داها آرتیق اوستونه آرئس‌ئس فید`ی اوخویان تانیماق اولماز منجه.

قورودون ایجتماعی ایمکان‌لاری ندیر؟

هَرده‌ن بیر قوروپ بولاقچی‌نین ریدئره کؤچو گؤرونموش اولان بیر حال‌دیر. چونکی اوردا اولاندا:
1-بیربیرینزین یازی‌لارینی ییغجام حالتده و واختینیز هَده‌ر اولما‌دان گؤرورسونوز.
2-خوشلادیغنیز یازی‌لاری اینتئرنئتین هر یئرینده اولسا دوست‌لار ایله پایلاشیرسینیز.
3-خوشلادیغینیز یازییا لایک وورورسونوز و بولاغینیزین لایک`ی چوخ اولاندا یازینیزین هانسی سَویه‌ده اولدوغونو ده‌یَرلَندیریریسینیز.
4-یازی‌لارینیزین آلتیندا فیکیرلرینیزی راحتجا پایلاشا بیلَیرسینیز.

نییه فئیسبوک یوخ فرئندفید یوخ و باشقا ایجتماعی مکان‌لار یوخ و قورود!؟

یعنی بیز بئله بیر سؤز دئمیریک چونکی بون‌لارین هره‌سی اؤز یئرلَری وار.  فئیسبوک مخصوص آرئس‌ئس اوخویوجوسو دئییل‌دیر آنجاق قوروددا پایلاشدیغین یازی‌لار اوردا دا اولا بیلَر هم فرئندفید`ده اولا بیلرلر و … یعنی بون‌لار هره‌سی اؤزونه مخصوص بیر یئرلَردیر. ریدئرینده اولا-اولا فئیسبوکدا اولا بیلَرسَن، فرئندفید`ده و بیر سورو یئرده…. آنجاق کی بون‌لارین هئچبیری قورود دئییل‌دیر و قورود ایشلَه‌تمک اونلارین یانیندا واجیب‌دیر.

اوسته‌کی فوتوشکیلده سایی‌لارا دقت ائتسه‌نیز
1- اینجی یئرده یازینی کیم‌لر پایلاشیب گؤرونور.
2-جی، بو یازینی به‌یَنَن‌لَری گؤرسَه‌دیر
3-جو، سیزین مؤضوعلارا بؤلدوگونوز فولدئرلرَدَکی فیدلَری و یا فولدئرسیز فیدلَری نوماییش ائتدیریر. خولاصه کی اوردان نه‌لری اوخوماق ایستدیگینیزی سئچه بیلَرسینیز.
4-جو تعقیب ائله‌دیگینیز آدام‌لار و دوست‌لارینیزین لیستی‌دیر و ائده بیلَرسینیز کی اونلارین چیتدانمیش اینتئرنئتین‌دن و یا پایلاشدیقلاریندان‌ بهره‌لَنَسینیز.

بو دا داها چوخ تانیش اولماق اوچون بیراز قایناق

گوگل ریدر در ویکیپدییا
چرا باید از گوگل ریدر استفاده کرد و چگونه ؟
استفاده از سرویس گوگل ریدر برای خواندن آر اس اس
گوگیِل ریدئر حاککیندا بیلگیلئر
یئنیلیکلرین تاکیپی و گوگیِل ریدئر
گوگیِل ریدئر نئـ ایشئـ یارار
گوگیِل ریدئر نئدیر

بو حاقدا تحقیقاتینیزی قوقول`‌دان داوام ائدینیز منجه.

ایندی بعضی بولاقچی‌لارین آراسیندا هردن بئله صحبت اولور کی بولاغییین ده‌یَری فید`یین قوقول ریدئرده اوخوجوسوجادی. البته بیز بونا آز اینانیریق آنجاق بیراز دوز سؤزدو.

داها یازینی اوزالدمیرام.

گی‌مئیل`ینیز وارسا دئمک کی قوقول ریدئرینیز ده آماده‌دیر.

Green Carnation Qrupunun Jon English`dən cover elədiyi, six ribbons mahnısı

 

اوزان اولسایدیِم
سَنه آلتیِ عشق ماهنیِسیِ اوخویاردیِم
بوٌتوٌن دوٌنیایا سس سالاردیِم
پایلاشدیِغیِمیِز سئوگینی

تاجیر اولسایدیِم
سَنه آلتیِ بریلیانت گَتیرَردیم
آلتیِ قان رنگینده روزلا
سئوگیلیمین گئیمه‌سی اوٌچوٌن

آنجاق مَن ساده بیر کیشییَم
سیِرا‌دان، کاسیِب بیر اکینچییَم
آلتی روبانتیمی آل اوندا
توٌک‌لرینی روبانتلا باغلاماق اوٌچوٌن

(ساریِ وَ بوُغداییِ
گؤی اوٌزوٌ کیمی گؤی
قانیِم کیمی آل
گؤزلَرین کیمی یاشیِل)

اَصیل‌زاده اولسایدیِم
سَنه آلتیِ کالیسکه گتیرَردیم
آلتیِ قار-آغی آتلا
سَنی هَر یئره گؤتورمَک اوٌچوٌن

ایمپئراتور اولسایدیِم
سَنه آلتیِ سارای سالاردیِم
آلتیِ-مین قوللوقچو ایله
دینج یاشاماغیِن اوٌچوٌن

آنجاق من ساده بیر کیشییَم
یوخسوُل، عادی بیر اَکینچی
اوندا آلتیِ روبانتیِمیِ آل
توٌک‌لَرینی باغلاماق اوٌچوٌن

* * * * *

اوزان اولسایدیِم
سنه آلتی سئوگی ماهنیِ‌سیِ اوخویاردیمِ
هامیِ‌سیِ دونیایا بیل‌دیرمَک اوٌچوٌن
پایلاشدیِغیِمیِز عشقی

آنجاق سَن قورخما سئوگیلیم
سن هئچواخت تَک دئییلسَن
روبانتی گئیدیگین سوره‌جه
توٌک‌لَرینی باغلاماق اوٌچوٌن

بیر زامان ساده بیر کیشی ایدیم
فَقیر و سیِرا‌دان بیر اَکینچی
سنه آلتیِ روبانت وئردیم
توٌک‌لَرینی باغلاماق اوٌچوٌن

تورئل‌لی، تورئللا،
بوٌتوٌن پایلاشا بیلدیگیم
یالنیِز آلتیِ روبانت‌دیِر
توٌک‌لَرینی باغلیِیاسان

(تورئل‌لی، تورئللا،
بوٌتوٌن پایلاشا بیلدیگیم…)
سَنه آلتیِ روبانت وئردیم
توٌکلَرینی باغلیِیاسان

what is the meaning of this by !xninjaxgrrlx

سَسیم اوجالسا سَسیمی ییِغیِب بئلیمه آپاررام داغا، داغدا قاتار وارسا بیر اوُچاق کیرا‌لارام. اوُچوُرد گؤیه اوُچاغیِم. قاچیِرد منی ده سؤزلریمی ده آپار کی لازیِم دئییلمیش بوٌتوٌن اولان‌لار و اولموُیان‌لار. لازیِم دئییلمیش پوزغوُن عصب. آدام لازیِم دئییلمیش. دیش‌لَریم آغریِسا مَن بو حَیاتیِ نئیلیرَم. یازی‌ِلاریِمیِزا قویوُلموُر، عصب‌لَریمیز یئریندَمی یعنی؟ ایستانداردیِقمیِ؟ پوخا باتسیِن دئمَک کی. قوی باتسیِن پوخ‌لاریمیِز دا پوخا. پوخ‌دان شاقالات چیِخیِر ایندیکی زاماندا دئییرلَر. ایندیکی زاماندا چوخ آدام وار دئییرلَر. پوخ‌لاریِمیِز دا چوخالیِبمی یعنی؟ پوخ‌لاریمیزا صاحاب چیِخان یئر کوٌره‌سی دولا‌جاق فاضیلاب‌لاریِمیِزلا، توٌستوٌ ایله، آسفالتلا. قوی گئدسین گوٌن‌لَر هه. یاخشیِ بیلمیشیک سونوُموُزوُ نئجه گَتیرَک. قوی گئچسین گوٌن‌لَر هه، قوی یاش‌لاریِمیِز قوجالسیِن. باش‌لاریِمیِز آغارسیِن. سوٌموٌک‌لَریمیز تورپاق اولسوُن. تورپاق بار وئرسین آنجاق بو دؤنه خیار اولاق. قوی گئچسین عصیرلر بیز ده یوخ اولاق آنجاق. بلکه یوخ اولساق سالامات قال‌لیق. عزیزلریمیز مَنه بیر قوُالق آسیِن آخیِ. دانیِشماق اوٌچوٌن ایکی سؤزجوٌک هَردَن دوغوُلوُر، سوُ وئریرَم. یازماق اوٌچوٌن سؤزجوٌک فیشقیِریِر دئمَک کی. یاز دا سَن کی وئجینده دئییل گوٌنَش. یاز دا، هَردَن گوٌلَش عذابسیز آنلارینلا. نه قَدَر ده سؤزجوٌک یورساق اَرینجَک‌لیک قانیِمیِزا، قارقیِشلامی سوخوُلموُش؟ قارقیِشین نه زامان لازیِم اولدوغونو بیلَک بَس. بیز دوغوُلان‌دان اَرینجَییک دئمَک. بیز اَرینمیشیک کی آدام‌لار کیمی ده اولاق. بیز فَخر ائدیلمه‌لی بؤیوک بیر واراولموُشلوُغوُق. بیزه چؤرَک لازیِم‌دیِر آنجاق. چؤرَک لازیِم‌دیِرسا نییه یاشیِیاق. یاشاماقدان باشقا، آیریِ شئی ده باشارمیِریِق. بیز واریِق بَس زاردیِ ایشیمیز. ایشیمیز زار اولاندا پیس واخت‌لاریِمیِزدیِ. پاییِمیِز آزار اولاندا پیس زامان‌لاریِمیِزدی. بیز آزارلاریِمیِزی بؤلمَدیک. بیز دَردلَریمیزی سئومَدیک. قالدیِق اوُچوُروُم‌لاریِن کَلله‌سی‌نین باشیِندا. داشدیِق سوُلارا. باش‌لاریِمیِزا قار یاغیِب، یاغیِش یاغیِب، قوش سیِچیِب. بیز باشلانغیِج‌دان بَری باشلامیِشیِق. بیز یاشاییِشیِمیِزیِ آنجاق کی یاشامیِشیِق. یاشلانمیِشیِق. یازیِمیِزیِ اوزادماغا مانِعیمیز یوخ‌دوُر یَعنی. یازیِمیِزیِ آزدیرِمیِشیِق. اوٌزوٌموٌزوٌ آسمیِشیق ایندی. آسیِلماسیِ یاددان چیِخمیِش بیر اوٌز آسیِلیِرسا دئمَک کی حَیات وار او اوٌزده بَس. بو مَنه یاراشماز کی آنجاق. کیلاسی یوخ‌دوُر قارداش. کیلاس لازیِمدیِ کیلاسبازا. کیلاس لازیِمدیِ هَوَسبازا. کیلاس لازیِمدیِ اطرافیِن‌داکی‌ِلارا. هامیِیا دقَّت لازیِم‌دیِرسا بَس نییه یاشیِیاق. بَس سَن نییه اؤکوزسَن؟ بَس نییه یاشیِیاسان. آدام لازیَمدیِ دانیِشا مثلاً. قارداش سَن بیر سؤزجوٌکله مین نَفَری یازیِق ائلییه بیلَرسَن دئمَک کی.

دئمَک کی وار اولماغا، نَدَن لازیِم اولوُرموُش
دئمَک کی قَبرین ایچینه، بَدن لازیِم اولوُرموُش
دئمَک کی گؤی وَ بوُلوُت‌لار، هَردَن لازیِم اولوُرموُش
دئمَک کی سئوگیلی گوٌنَشله، بَعضی شئی‌لَر سولوُرموُش
دئمَک کی صَبرین توٌکٌنیب، گؤزلَرین ده دولوُرموُش
دئمَک کی گوٌنَش چیِخاندا، سؤزلَرین قوُتوُلوُرموُش
دئمَک کی وای‌لار اوجالیِب، سوُلار ائشده دونوُرموش
دئمک کی هَردَن یازی‌ِلار، مَعنالاریِندان‌ اولوُرموُش

Owl by =Kikariz

سؤزجوک‌لَرین رَنگی سولوُب ساققیز اولوُب چئینَریک آنجاق کی، عَجَب‌دیر اَگَر هئی ائیله اولا بیلمریک. یاز یازاریم، قؤنچه‌لی یاز گول‌لو یازین بوداق‌لارین چیچک‌لَرین یازگینان آخی یاز دا وار. یاز کی، یاغیش‌لار دا وار هَردَن یاغار. یاز یاغیشین دامجی‌لارین یازگینان. یاز کی، بولوت گؤیده اولار آی دا وار. گئجَلَریمی گوندوز ائدن گونَش وار. گوٌندوزوموزو دوُزلو ائدن چیچک وار. آچ گؤزونو گؤیده بیر کَپَنَک وار. قاچار اوچار آددانار اوردان بورا. آت اؤزونو چیِخ بیراز آرتیق داریخیب‌دیر یووان. چیِخ اوتاغین بلکه تَک اولماق ایستر. چیِخ دئییرَم دالدادا سَنی پیس‌لَر. چیِخ یاغیشین یاغدیغی یئرلرده گئت. چیخ تؤکولَن یارپاغی گَزدیرمیش اولان یئلله گئت. قاچ کی قاچار اَلین‌دن هَردَن ائشیک. دؤز بیر گؤرَک اؤزونله نئیلمیشیک. یاپیش یاخان‌دان ایته‌له یئل‌لره. هَردَن ده بیردَن سَره‌لَن تورپاق اولان یئرلره. تورپاق اولان یئرده قوردلاریمیز وار. سلام یئتیر بیز ده سلامیمیز وار. آچ اَلییَن بیر نئچه داش ییغ قاچاق. داش دئییر آچ اَللرینی بیز اوچاق. آت داشی دَیسین سویا اوچسون گؤیه. ماماسی بالیق اوٌستونه گَلمیش سؤیه. یاراتیق اولان اینسانین اَصلینده نَدیر مَقصَدی. گؤزلری وار. قولاغی وار. دویغوسو وار حیس‌ّلَری. گل ایشیِغیِم قاران‌لیق‌دان بیراز چیخارد بیزلری. قارانلیغیم قیسقانیب هئی سیزلری. قاشقاباغیم قویماز گؤرونسون گونش. گَل بیرازجیق قارا‌لی بویاملا گولَش. قارا‌لی بویام گوج‌لو بیر یاراتیق‌دیر. یئنی‌لمَز آنجاق کی ایشیِق یازیق‌دیر. گل ایشیِغیِم ییِخ بو دؤنه بیزلری. بیز ده بیراز یازاق بو یاز قیش‌لاری، پاییزلری.

یارا‌لیِ ایشیِق، غَم‌لی ایشیِق، جان ایشیِق
وارلیِغیِنی سایمیِییِب، قارالمیِشیِق
گوٌج‌لوٌ قارا، گؤزَل قارا، جان قارا
باغیِشلا کی، بو یازیِنی یازمیِشیِق

Crazy Gaz. by ~laurencecc

آدیم اَبلَغَت‌دیر. سویادیم ایسه اَرقوتان. سالامات قالین. من ساغام. بیر پنجره وار اوتاغیمدا سلام یئتیریر. هَردَن ایشیق-میشیق اوتاغا گتیرَرمیش. یئکه ایشلَره باخار. سَفئحدیر. سَفئحلیگینی سئودیم دوغروسو. یاخشی سفئحلَر اعلادی‌لار. یاخشی اینسان‌لار دیسکیندیریر. اَه اَه یاخشی آدلانان اینسان‌لار نه ده پیسدی‌لر. نه بیلیم پیس‌لریمیز چوخ دا پیس دئییل آنجاق. عجب زمانه‌دی آنجاق. ائله زامان گَلیب کی آدامین بئلی آغریر. ائله زامان‌دیر کی آدام‌لارین بارماغی وار. بو، عجاییب زمانه‌دی. اخلاق‌لی‌لار پالتارا بوٌروٌنوٌر. یازیق اخلاق‌سیزلار. یازیق بیزلره اصلَن. بو نه داشدی بیزیم باشیمیزا دوٌشوٌب؟ آخی اَبَدی یاشییاجاغیق کی؟ عؤمروموز قیسا‌دیرسا بیزه بیر لیوان سو وئرین باری. پورتاغال وئرین یئییم. موز دا ایستیرَم. هه قارداش مؤوضوعنو اوچوردمویاق. آدیم اَبلَغَت‌دیر سویادیم اَرقوتان. سَماوارلارا قَند آتارام. آز دانیشیب چوخ آنلاتارام. منه دئیرلر سَن بیر قَهرمانسان. سنی دوٌز کَللَن‌دن گوللـه ایله وورا‌جاق‌لار. سنه تراژئدی‌لر یازیلما‌لیدی. بئینه باتان آدامسان ساغول. گئت بیراز کیفلان گئت. اَصلینده کیفلان‌لار اوٌسته همیشه عصب‌لَریم پوزولوُب‌دوُر پیس‌لیک‌لَردَن. موٌطلَق اؤلدوره‌جه‌یم هامی‌سینی. من بیر قَهرمانام سویادیم ایسه اَرقوتان‌دیر. اَرقوتان دئیه سَسلَنسین بوتوٌن دونیا. سوپئرقهرمانام. منه میدال لازیمدی. میرت آدامام. گلسین‌لر بئلیمه مینسین‌لَر اولسون آنجاق کی ضیا‌لی آدامام. خئییرلی بشرم. ایسته‌سه‌لر مئیمون دا اولارام. من اینسان‌لیق یولوندا خوروز دا اولارام. من اؤزومو گؤرستمَک‌دن هئچ ده قورخمورام. اصلَن قوی منی پیسله‌سین بوتون دونیا. من حاقّامسا ایچیمده راحتام. هه آدیم اَبلَغَت‌دیر سویادیم ایسه ارقوتان. گَلمیش گئچمیش بوتون تاریخی اولای‌لارا تانیغام. طالئعیمه قانیغام. هَردَن ایستَردیم کی اؤزومه قَصدیم اولا. باشیمی سوخام سویا. آنجاق کی طالئعیمه قانئعَم. چوخ تورپاق‌لی اینسانام. اصلینده بونو منه اؤیرتدی آنام. منه دئدی‌لر کی مَرد اول بالام. دوٌنیایا گَلَنده مَرد اول. من ده گَلَن کیمی مَرد اولموشام. مَرد اوغولام. اَللی یول دا اؤلسم بیر داها گَرَک کی دوغوُلام. یاشاماق دَلی‌سییَم. دمپایَمی ده گتیرمه‌لییم. باشیم دَیسه داشا، داش هیرسلَنَر دئیَر کی مَنه اَبلَغَت باشی دَییب یازیق اولموشام. هاه اَصلینده سویوُقدَیمه‌لَرین ده مَنه دَیمه‌سی یوخ‌دور. بیر آرزوم وار اصَلن. بیلیرَم کی هامی منی سئویر. هامی بو آرزومون گئرچَکلَنمه‌سینی ایستَییر. اصلینده آرزوم بودور کی بوتون یئتیم‌لر آج قالماسین.

بیر آدیم وار اونا حئیران اولموشام
گاه ییرتارام گاه دا جئیران اولموشام
اولوب بیتیب زامان گئچیب گؤروٌنسه ده
یئنه ده یاخشی بیر اینسان اولموشام

Fly by ~karolcia12

یاندیر بیر سیقارئتی گؤروم. گؤره‌سن احوالاتین نئجه‌دی. قاندیر اؤزونو گؤروم. احوالاتین بیراز گئجه‌دیر. قیش-قولون اؤزونه تابع اولمور. قارقیشین منی سیغیندیرمیر. سیلیک-میلیک سیفَتینی سیلکه‌له داها. صبیرسیز اولا بیلمز کی آخی. داش دئورینده یاشاماق آرزوسوندا یاشاما صاباحی. سَرین بیر یئل اَسنده او سنه گؤره‌دیر. آشدیر آشیلمامیش دیوارزادی. قاچ قاچاجاغین یئره. اوچ باجاردیغین گؤیه. سنه کلمه لازیمدی قارداش. سنین علاجین اَلدن اَله دولاشمیر کی، دیل‌لرده دَبَشیر. سَپ بیراز دوُز بئینینه. سَپ بیراز اوٌز قلبینه. اَسگینَن اصیل یئل‌لر کیمی. اَسمَگینَن سئل‌لر کیمی. آس اؤزونو ایلکؤنجه بیراز. اؤزونو اؤز ایچینده بوغماغی اؤیرَن لاپ آز. اؤزونه عوٌصیانی لازیم ائله. لازیم‌لاری داشیِرد دوز یول‌لارا. قاچ بیراز شاقالات یئ. قاچ بیراز دا ماوالا. آچ تؤوله‌نین قاپی‌سین. بیراز دا اوردا قال. آچ بئینینه لازیم اولان‌لاری اوردا ایچینه آل. آچ قال یانا-یانا. قال باخا-باخا. قوُرردان قالمیش قوُرباغاسان. قاردان قالمیش قارغاسان. سن نه بیچیم آدامسان کی. سَن‌سیز بیر قوش اوچور. سن‌سیز بیر کلمه هوپپانیر. کَپَک‌لَنیر چؤرک‌لر. اوٌرَک‌لَنیر اینَک‌لر. سَن-مَن دئیه وارمی بیر سؤزوموز اَصلن. اؤزومه لازیم ایمیش اؤزوم. قافییه لازیم ایمیش. لوٌزوم‌سوز ثانییه لازیم ایمیش. اوچ گؤروم. اوچورد منی ده آپار گؤروم.

اوُچ خَیالیِم، سَن‌سیز اولان اَحوالیما قار یاغیِب
قارغا‌لار، قوُرباغا‌لار سَنین اوٌچوٌن اینَک ساغیِب

قره‌نفیل دریردین اوزاق‌لاردا. بوزولمامیشدی احوالات‌لار. بوزارمامیشدی اوزون. قارنیندا قوردلار اولوردو. سارالمامیشدی سالام‌لارین. قوجالمامیشدی قالان‌لارین. اوجالمامیشدی آغاج‌لارین. فیدان بالیق. قاداسی آلیق. فیشارا باتیق. زیرزمی‌دن سالاملادیق. الکی-الکی. لاپ دا تکی. سیناق‌لارین عصب‌لری پوزوق‌دور. زامان‌لار چاغدیشی اولوب. یقین کی دیریلن‌لر اؤلو ایمیش. یقین کی قوش‌لار دا سیچارمیش. آخی قریب‌لیک‌لر، غربی دئییلمیش کی همیشه ده. قصداً ایمیش چوخ شئی‌لر؟ انجیر آغاجی کسیلنده آدام نه ائدر آخی؟ آدام نه ده باخیر. آدام گؤرممیش. آدیمی ائشیتممیش. آرتیمیا‌لار دا دئییرلر کی بیتدی. نه پیس زمانه‌دی. قارشی‌دان گلن‌لر دالدا‌لی قایی‌دیر. عصبی اوزلر پالتار گئییر. عجاییب‌دیر قارداش. سؤزجوک‌لره باخ. بیراز سؤزجوک گؤتور اَلینه، یاخ باشییان. داش دوشسون. نعشه قال. سانجی‌لی قال. فضایی قال. عزادا قال. کللَمَیاللاق قال. قیچین‌دان چؤرک چیخسین. باشین‌دان پنیر چیخسین. سحرلر قهوه لازیم اولاندا، باشین‌دان چیخارت. باشین چیخمیر. یاشاماقدی دا، حیات‌دیر. باغیرماغا قاریشقا لازیم دئییل. چیغیرماغا بوغاز بَس ائدَر. خیسلَتیمیز ضایَع‌دی. آدام‌لاریمیز دمپایه‌دی. هه قارداش. عجیب‌دیر خوشلادیغیمیز شئی‌لر. عجَب‌دیر عجیبلدیگیمیزلر. امان امان دئییریک بو قیزلاین اَلین‌دن. دورما قاپی دالیندا. چوخ ایشیم وار هله. شَشت ایله. بونجا دا ضایَع‌لیک رؤغن-ی مایَعدی. اوٌزوٌ آچیِلان ائششَک‌دیر. مال‌دیر. اؤکوزدو. پوخدو. قیزدی نازدی. مین نازی آزدی. قارداش آچ جئبیین بیراز سؤزجوک قویوم.

آنلی آچیق، روحو اوچوق، سس-سادا‌لی اینسانام
بیـــــــلیـــــرم ســـــــو دئییب‌دیــــر منه اولده آنـــام

دومبالاق‌لارا باخ نه آشیر. گؤرونور کی، گؤزلرین بَرک قاماشیر قوریل. ادبیات آخیداندا سیچدین یئنه؟ بیردن بیره قازلاسام توزوم سنه هدیه اولسون. توزسوران‌لار سنه لازیم اولسون. دئیه‌سن سیچماغی یاخشی باشاریرسان، سیچ‌طلب قوش. گل آخسئی دئمه. آخساق اولما. آخسادارام لَرزَلَنیب آتا دا مینه بیلمه‌سن. بیلیردین قوشبئیین؟ قارقیشیما قارلی گون‌لر یئتیشمَمیش دوچار اولدون. حئییف اولدون. سن بیزه لازیم ایدین. دون گئییردین. دوندوُن نه تئز. دوُندوُن سیچماغا باشلادین پوخلوُقارین. قارینباز، پوخسَپن. سانیرسان کی ادبیات‌دان اوتان‌دیرا‌جاقسان؟ سانقی‌لارا باخ سانجی واختی. قاشقاباغا باخ گوز چاغیندا. نه پیس کی، گَنج اؤله‌جکسَن بیلیردین؟ ایندییه‌جن دوز 20 نفری پیچاق‌سیز دئشمیشم. دیش‌لریم ده ایتیدیر. هَرهارانین قوشمیلچَیی اولسان آخیری کی آسقیرا‌جاقسان. آسیلیب، کسیلیب، دیمدَرگین اولارسان. من‌دن یئنه ده دئمک‌دیر. بیر بیلگی وار اَلیمده. یاخینلاشان‌لار پوفک‌دیر. قورباغا‌دیر. قوش‌دور. اوچ اوچ گؤی‌دن سیچان، سیچانقوشبَشر. سنه گوللـه هدیه ائده‌جه‌یم. دوز سپه‌جه‌یم بئینینی آسفالتا‌لارا، ماشین گئچسین. ماشی‌نین دال کاپوتوندا گیزلَدیب آشیراجاغام سنی دره‌لره. گئت دَردَره. اَیلَنَجَییک. یقین کی اَیلَنَرسَن. اَیلَنجه‌لی‌دیر. عجیب‌دیر. ارزیشی وار. اَلیم‌دن گَلَر. اَصلینده گوج وار. صرفه‌لی‌دیر. بابَت‌دیر.

اصلینده نه ائدیم کی، یانیما پیچاقلا گَلمیشدی. دَلی‌دیر. دَلدیم دَرراکه‌سینی. دمپایه‌سینی آسیدم میخا. چوخ گلدی اوسته. چوخ اوستونه چیخدی. چوخ چابالادی. چارمیخی گؤرمه‌دی.چال‌دیرا‌راق گلدی. چیرپیلدی. چیخدی سماوار اوسته. یئن دئدیم یئنمه‌دی. یئکه دانیشدی. یاپیشدیم یاخانسین‌دان. یالواریشا یول وئردی. یازیق. یالنیز یامانباز. آزمیشدی قوشبئیین میلچَک. ال-قولونو باغلادیق، ویدا‌لاش دئدیک آنقیردی. آنقیرما دئدیک سیچدی. سیچما دئدیک توٌپوردو. توٌپورمه دئدیک دومبالاق آشدی. سَفئهلَمه دئدیک، اَلیمیزی دیشله‌دی. داها نه ائدمک اولاردی اَششی. نئجه دؤزمک اولاردی. تَتیگی چَکمَسَک؟ جانینا قییماساق اولارمی؟ اَصلینده اؤزو ایسته‌دی.

پئشمان‌دیر آنجاق چاره‌سیز ایدی. جیرماقلاییردی اؤزونو، قان آغلاییردی، قانمیردی. قان‌دیرا بیلمَدیک. قانینا بورون گیرمیشدی. آسفالت اورَیی کَپَنَک‌لردن ایتمیشدی. شعره لاییق ایدی. گؤزو یاش‌لی قَلَمداشین، گؤزلرینه داش گیریمیشدی. عجاییب یئهین احوالات ایدی. قَم‌لی چاغ‌لار ایدی. آغلار گؤزلر اوتانمیردی. آغلیییب اودقونوردولار. هَیه. سالدیرقان سؤزلرینی اؤلومه یاخین یئنه پیچیلدیییردی. حیاسی اوزون‌دن سوٌزوب اؤزونه صاحاب آختاریردی. ساعتین عقرب‌لری اؤلومونو خاتیرلادیردی. دایان زامان، دایان قانیما قییان بیری وار. دایان اؤلمک ایستَمیرم، دونیامیزدا چوخ دیری وار. یَقین کی یئری دئییل‌دیر ایندی اؤلم. دور سناللاه. قادایین آلیم. جانیما قوربان. قوی بیر یول دا دیری قالیم. منه نه یاراشار اؤلوم-قالیم مسئله‌سی. منه نه یاراشیر بیردنبیره اؤلم.

اؤلمَک ده یاراشمیِر اونا قالماق دا یاراشمیِر
یاددیر اونا دینمَک، نَفَس آلماق دا یاراشمیِر
حیرسین چیِغیِریر داغ‌لارا، داش‌لار دا ائشیتسین
تیم-تیم تیتیریر آرزولاییِر دردلری بیتسین

هاریکا یازیِنیِ لاتین اَلیفباسیِندا اوخوُ گؤروٌم